İsrail Hərbi Hava Qüvvələri Beyrutun Rafik Həriri Beynəlxalq Hava Limanının uçuş-enmə zolağından bir neçə on metr aralıda əraziyə zərbələr endirib. Vətəninfo.az xəbər verir ki , bu barədə “RİA Novosti” agentliyinin müxbiri məlumat yayıb.
Hava hücumu hava limanı ərazisinə yaxın olan Şuveyfət Əl Amrusiya rayonunda çoxmərtəbəli binaya endirilib.
Noyabrın 14-də səhər saatlarında Beyrutun cənub ətrafına daha iki hava zərbəsi endirilib.
Bundan əvvəl səhər saat 04:30 radələrində İsrail Hərbi Hava Qüvvələri Şiyəx rayonuna üç dəfə zərbə endirib. paytaxtın mərkəzi rayonlarında partlayış səsləri eşidilib. Noyabrın 13-də günorta saatlarında İsrail Hərbi Hava Qüvvələri Beyrutun cənub ətraflarında 6 obyektə hücum edib. Noyabrın 13-ü axşam saatlarında Burj əl-Bərəcnə və Haret Hreyk rayonlarına bir sıra zərbələr endirilib.
