İranın Ali Milli Təhlükəsizlik Şurası bəyan edib ki, İsrailin nüvə sektoru ilə bağlı əldə edilən məlumatlar İsrailin hücumu zamanı Tehrana İsrailin gizli nüvə obyektlərinə zərbələr endirməyə imkan verəcək.
Bu fonda dünən İsrailin baş naziri Benyamin Netanyahu ilə ABŞ prezidenti Donald Tramp arasında 40 dəqiqəlik telefon danışığı olub.
Trampla söhbətindən sonra Netanyahu İranın nüvə təhlükəsini müzakirə etmək üçün nazirlər və təhlükəsizlik rəsmiləri ilə görüş keçirməyi planlaşdırır. Axşam saatlarında İsraildə vəziyyəti qiymətləndirmək üçün hərbi-siyasi kabinetin fövqəladə iclası keçirilib.
Bu arada Beynəlxalq Atom Enerjisi Agentliyinin (MAQATE) baş direktoru Rafael Qrossi İsrailin İranın nüvə obyektlərinə mümkün zərbəsinin ciddi nəticələri barədə xəbərdarlıq edib. Onun sözlərinə görə, İran rəsmiləri ona açıq şəkildə deyiblər ki, əgər İsrail onların nüvə infrastrukturuna hücum edərsə, İran nüvə silahı hazırlamağa başlayacaq.
“İranlılar mənə dedilər: İsrail bizim nüvə obyektlərimizə hücum edərsə, biz atom bombası yaradacayıq”, – Qrossi vurğulayıb.
Qrossi həmçinin qeyd edib ki, İranın nüvə proqramı həm “genişliyi, həm də dərinliyi” ilə inkişaf edir: bir çox obyektlər yerin altında dərin gizlədilib və etibarlı şəkildə qorunur, onların məhv edilməsi əhəmiyyətli səylər və resurslar tələb edir. Üstəlik, bu cür dağıntılar İranın Nüvə Silahlarının Yayılmaması Müqaviləsindən çıxmasına və öz nüvə proqramının inkişafını sürətləndirə bilər.
“Mən bunu fərziyyə kimi demirəm. Onlar mənə belə deyiblər”, – MAQATE rəhbəri yekunlaşdırıb.
