İsrail qüvvələri Qəzza zolağının cənubundakı Rəfahda Fələstin HƏMAS briqadasının ləğvini başa çatdıraraq, 2000-dən çox yaraqlını və ərazidəki 13 kilometrə yaxın yeraltı tunelləri məhv edib. Vətəninfo.az-ın i “RİA Novosti”yə istinadən verdiyi məlumata görə , bu barədə İsrail Müdafiə Qüvvələrinin mətbuat xidməti məlumat yayıb.
“162-ci diviziyanın qüvvələri son bir neçə ay ərzində Rəfah bölgəsində dəqiq, məqsədyönlü və kəşfiyyat əməliyyatları aparır. Bu günə qədər hərbçilər 2000-dən çox terrorçunu məhv edib və təxminən 13 kilometr yeraltı tunelləri məhv edib. Bu əməliyyatlar zamanı İsrail ordusu HƏMAS-ın Rəfahdakı terrorçu briqadasını məhv edib”, – məlumatda deyilir.
Hərbçilərin məlumatına görə, Qəzza-Misir sərhədində Filadelfiya dəhlizinin yaxınlığında və altındakı yeraltı tunellərin 80%-i dağıdılıb. Bu dəhliz Qəzza zolağında silah qaçaqmalçılığının əsas marşrutu hesab olunur.
“Bölmənin mühəndis qüvvələri və Yahalom bölməsi ərazidəki yeraltı tunelləri və terror infrastrukturunu tapıb məhv etməyə davam edir”, – mesajda deyilir.
