İsrail Müdafiə Qüvvələri Fələstinin HƏMAS hərəkatı ilə atəşkəs və girov mübadiləsi razılaşmasının birinci mərhələsinin irəliləməsi fürsətini əldən verməmək üçün qoşunlarını Qəzza zolağından müvəqqəti olaraq çıxara bilər.
Vətəninfo.az xəbər verir ki, bu barədə “The Jerusalem Post” məlumat yayıb.
Nəşr yüksək rütbəli müdafiə rəsmilərindən sitat gətirib: “İsrail ordusu girovların azad edilməsi ilə bağlı razılaşmanın birinci mərhələsində irəliləyiş əldə etmək üçün qoşunlarını Qəzzadan müvəqqəti olaraq çıxara bilər”.
Saytın məlumatına görə, İsrail 42 gün ərzində Qəzzadan qoşunlarını tamamilə çıxarsa, təhlükəsizlik baxımından ciddi itkilər verməyəcək, lakin bu güzəşt HƏMAS-ın əsarətindən sağ qalan 18-33 girovu azad etməyə imkan verəcək.
