İsrail əsgərlərinin işğal altındakı İordan çayının qərb sahilində törətdiyi hücumlar nəticəsində ikisi uşaq olmaqla 3 nəfər yaralanıb.
Vətəninfo.az xəbər verir ki, Fələstin Qızıl Aypara Cəmiyyətindən verilən açıqlamaya görə, Qızıl Aypara briqadaları İsrail ordusunun El Halil şəhərinin Zahiriyyə qəsəbəsinə basqını zamanı ayaqlarından həqiqi güllələrlə yaralanan 7 və 22 yaşlı iki fələstinlini xəstəxanaya çatdırıb.
Fələstinin rəsmi WAFA xəbər agentliyi İsrail qüvvələrinin Kalkilya şəhərində yaralanan13 yaşlı uşağın xəstəxanaya yerləşdirildiyini bildirib.
İsrailin 2023-cü il oktyabrın 7-dən etibarən işğal altındakı İordan çayının qərb sahili və Şərqi Qüdsdə fələstinlilərə qarşı hücumlarında artım müşahidə olunur.
Oktyabrın 7-dən bəri İordan çayının qərb sahili və Şərqi Qüdsdə İsrail əsgərləri və israillilərin hücumlarında 685 fələstinli həyatını itirib.
İsrail qüvvələri İordan çayının qərb sahilində iki nəfəri yaraladı
