İsrail hərbi kəşfiyyatının İran bölməsinin keçmiş rəhbəri Dennis Sitrinoviç İranın hazırkı vəziyyətini “yeni hərbi qarşıdurma doğura biləcək strateji dilemma” kimi dəyərləndirib.
“Israel-Hume” qəzetinə müsahibəsində Sitrinoviç bildirib: “Biz çox yüksək intensivliklə dərhal başlaya biləcək bir müharibədən danışırıq”.
Onun sözlərinə görə, İsrail və İran arasında növbəti mümkün müharibə, əvvəlki qarşıdurmaların bitdiyi yerdən — yəni çox yüksək gərginlik nöqtəsindən — başlayacaq ki, bu da onu daha təhlükəli edir.
O, deyib ki, İranın mövcud durumu bir neçə ciddi faktordan qaynaqlanır:
İsraillə son müharibənin nəticələri;
İranın bölgədəki proksi qüvvələrinin səmərəsiz fəaliyyəti;
ölkə daxilində dərinləşən su böhranı və sosial gərginlik;
“Snapback” mexanizminin işə salınması ehtimalı.
