İsrail tankları Suriya ilə sərhəddəki bufer zonadan kənara çıxıb və Dəməşqin 20 kilometrliyində müşahidə edilib. Vətəninfo.az xəbər verir ki , bu barədə Livanın “Al Mayadeen” telekanalı məlumat yayıb.
Telekanal qeyd edib ki, tanklar Suriya paytaxtından 21 kilometr aralıda yerləşən Katana qəsəbəsi yaxınlığında bu həftənin əvvəlində İsrailin qoşun yerləşdirdiyi bufer zonadan keçib. Əl Mayadeen qeyd edib ki, İsrail Müdafiə Qüvvələri (IDF) hələ heç bir şərh verməyib.
Tsaxalın mətbuat xidməti daha əvvəl məlumat vermişdi ki, piyada və zirehli qoşunlar Suriya ilə sərhəddə mühafizə üçün yerləşdirilib, desantçılar təhlükələrin qarşısını almaq üçün bufer zonasındadır.
Dekabrın 8-i səhər saatlarında İsrail ordusu qüvvələrini bufer zonaya yerləşdirdiyini elan edib. Yəhudi Dövlətinin Baş naziri Benyamin Netanyahunun qeyd etdiyi kimi, bu hərəkətlər Ərəb Respublikasında baş verən son hadisələrlə əlaqədar həyata keçirilib, müdafiə xarakteri daşıyır və müvəqqəti xarakter daşıyır.
