Vətəninfo.az xəbər verir ki, İsrailin xarici işlər naziri İsrael Katz dünən deyib ki, İran hökumətinin İsraili məhv etmək mesajı onun öz məhvi ilə üzləşməsini tələb edir.
“Məhv olmaq təhlükəsi ilə üzləşən rejim məhvə layiqdir. Livanın Hizbullah yaraqlılarının İsrailə hücumları dayanmasa və İranın dəstəklədiyi bu qruplaşma sərhəddən çəkilməsə, İsrail bütün qüvvələri ilə ona qarşı hərəkətə keçəcək”, – deyə İsrael Katz vurğulayıb.
Xatırladaq ki, iyunun 28-də İranın BMT-dəki nümayəndəliyi xəbərdarlıq etmişdi ki, İsrail Livana qarşı tammiqyaslı müharibəyə başlayarsa, belə bir addım tamamilə dağıdıcı müharibəyə gətirib çıxaracaq.
İsrail XİN İrana xəbərdarlıq etdi: “Məhv olmaq təhlükəsi ilə üzləşən rejim buna layiqdir”
