Qəzza rəsmiləri anklavın cənubundakı Xan Yunis əyalətində İsrailin hücumu nəticəsində azı 40 nəfərin öldüyünü, 60 nəfərin isə yaralandığını bildirib. İsrail hücumun hədəfinin yaraqlıların komanda mərkəzi olduğunu açıqlayıb.
Vətəninfo.az-ın məlumatına görə , bu barədə BBC məlumat yayıb.
Bildirilir ki, zərbə köçkünlər üçün çadır düşərgəsinin yerləşdiyi Əl Mavasi bölgəsinə endirilib.
Şahidlərin BBC-yə verdiyi məlumata görə, gecə yarısından dərhal sonra Əl Mavasi bölgəsində güclü partlayışlar eşidilib və səma işıqlanıb. Zərbə 20-dən çox çadırın basdırıldığı yeddi metr dərinlikdə üç çuxur yaradıb.Hələ də itkin düşənlər var və onların tapılması istiqamətində işlər aparılır. Ümumilikdə, yerli rəsmilərin məlumatına görə, Əl-Mavasi bölgəsində 200 çadır olub, onlardan 20-40-ı dağıdılıb.İsrail Müdafiə Qüvvələrinin bildirdiyinə görə, qırıcı təyyarələr Qəzzanın cənubundakı humanitar zonada radikal Həmas hərəkatının komanda mərkəzinə zərbələr endirib.”Qəzza zolağındakı terror təşkilatları İsrail dövlətinə və İDF-yə qarşı terror fəaliyyətləri həyata keçirmək üçün təyin olunmuş humanitar zona da daxil olmaqla, mülki və humanitar infrastrukturdan sistemli şəkildə istifadə etməyə davam edir”, – bəyanatda deyilir.İsrail hərbçiləri bildiriblər ki, zərbədən əvvəl “dəqiq silahlardan, havadan müşahidə və digər vasitələrdən istifadə də daxil olmaqla, mülki əhaliyə zərər vurma ehtimalını minimuma endirmək üçün tədbirlər görülüb”.
HƏMAS nümayəndələri daha sonra hücumun baş verdiyi yerdə yaraqlıların olmadığını bildiriblər.İsrailin 2023-cü ildə HƏMAS-a qarşı dövlət çevrilişinə başladığı zaman minlərlə fələstinli Xan Yunisə qaçmağa məcbur oldu. 7 oktyabr hücumundan sonra Qəzza zolağında cavab hərbi əməliyyatlara başlayıb. Həmin əməliyyatlar zamanı Fələstin anklavında qurbanların sayı 40 900 nəfəri ötüb. HƏMAS-ın hücumu nəticəsində İsraildə 1200 nəfər həlak olub, 250-yə yaxın insan isə əsir götürülüb.
