Vətəninfo.az xəbər verir ki, Qətərin Əl-Cəzirə telekanalının tibbi mənbələrə istinadən verdiyi məlumata görə, son 24 saat ərzində İsrail ordusunun Qəzza zolağında keçirdiyi əməliyyatlarda ən azı 65 fələstinli həlak olub.
Onların məlumatına görə, iyulun 21-də həlak olan 65 nəfərdən 11-i humanitar yardım paylama məntəqələrinə hücumlar zamanı həlak olub.
Qəzza Səhiyyə Nazirliyinin məlumatına görə, mart ayından bəri 900-dən çox insan humanitar yardım almaq istəyərkən həyatını itirib. Yardım İsrail və ABŞ-ın nəzarətində olan məntəqələr vasitəsilə paylanır.
