İstanbulun Kağıthane rayonunda polis evə basqın edərək narkotik istehsalı üçün hazırlanmış peşəkar bir istixana aşkarlayıb. Güclü qoxu barədə məlumat alan Kağıthane İctimai Təhlükəsizlik Bürosunun qrupları təcrid olunmuş otaqda 81 ədəd kannabis bitkisi və 42 kiloqram 300 qram marixuana müsadirə ediblər. Müsadirə edilən narkotiklərin bazar dəyəri təxminən 30 milyon türk lirəsi, yəni təxminən 2,2 milyon Azərbaycan manatı təşkil edir.
Vətəninfo.az xəbər verir ki, əməliyyat zamanı istixanada 25 ədəd iqlim nəzarəti lampası, 4 ventilyasiya cihazı, 15 ventilyator, 4 qurutma toru, 1 tozsoran, müxtəlif bitki qidaları və narkotik istehsalında istifadə olunan digər avadanlıqlar da tapılıb.
Müsadirə edilən narkotiklər və avadanlıqlar Narkotik Cinayətkarlıqla Mübarizə Şöbəsinə təhvil verilib.
