Los-Ancelesdə bir həftədir davam edən iki meşə yanğını ən azı 24 nəfərin həyatına son qoyub. Yanğınsöndürənlər yanğını söndürməyə davam edir, lakin proqnozlara görə, güclü külək yanğını daha da genişləndirəcək. Vətəninfo.az xəbər verir ki, bu barədə “Reuters” agentliyi məlumat yayıb.
Yanğınlarla əlaqədar 100 min insan da təxliyə edilib. Bütün məhəllələr xarabalığa çevrildi, evlər yerlə yeksan oldu. Kaliforniya səlahiyyətlilərinə görə, təxminən 12,300 struktur zədələnmiş və ya dağılmışdır.
Meteoroloqların proqnozlarına görə, yanvarın 15-dək sürəti 80-120 km/saat olan güclü küləyin əsəcəyi gözlənilir. Səlahiyyətlilər Los-Anceles dairəsinin 10 milyona yaxın sakinini alov və zəhərli tüstü səbəbindən təxliyə etmək əmri verilə biləcəyi barədə xəbərdarlıq edib.
