ABŞ prezident seçkilərində müstəqil namizəd olan Robert Fitzgerald Kennedi prezidentliyə namizəd Donald Trampla razılığa gəlmək və Trampın mümkün administrasiyasında vəzifə müqabilində onu dəstəkləmək istəyir.
Vətəninfo.az xəbər verir ki , bu barədə “Reuters”ə siyasi fəaliyyət komissiyalarından biri məlumat verib.
ABŞ-ın 35-ci prezidenti Con Kennedinin qardaşı oğlu avqustun 23-də Arizonada çıxış edəcəyini və “hazırkı tarixi məqam və onun gələcək yolu” haqqında danışacağını açıqlayıb.İctimaiyyətlə əlaqələr üzrə direktoru Larri Şarp Reuters agentliyinə deyib ki, Kennedi yarışdan çıxmağı və Trampı dəstəkləməyi planlaşdırır, lakin bu, keçmiş prezidentin seçiləcəyi təqdirdə Kennediyə hansı vəzifəni təklif etməsindən asılıdır. Bu yaxınlarda Tramp CNN-ə deyib ki, Kennedinin seçki kampaniyasını tərk edib onu dəstəklədiyi təqdirdə onun administrasiyasında rolun verilməsi imkanını nəzərdən keçirməyə hazırdır.Avqustun 21-də ABC News öz mənbələrinə istinadən xəbər verir ki, Kennedi həftənin sonuna qədər prezidentlik yarışından çəkilməyi və Trampa dəstəyini ifadə etməyi planlaşdırır.Siyasi fəaliyyət komitələri namizədlər üçün sonsuz miqdarda pul toplaya bilər. Nəşrin məlumatına görə, Amerika Dəyərlər Komissiyası iyunun 30-na kimi Robert Kennedi üçün 50 milyon dollardan çox pul toplayıb. ABŞ-da prezident seçkiləri noyabrın 5-də keçiriləcək. Demokratlar Partiyası ABŞ-ın vitse-prezidenti Kamala Harrisin prezidentliyə namizədliyini irəli sürüb.
