Rusiya Federasiyasının Federal Təhlükəsizlik Xidməti (FSB), Ukrayna kəşfiyyat orqanlarının göstərişi ilə Kalininqrad vilayətində pravoslav kilsəsinin ərazisində terror aktı hazırlamaqda şübhəli bilinən 2008-ci il təvəllüdlü yeniyetməni həbs edib.
FSB-nin məlumatına görə, şübhəli şəxsin üzərindən terrorçuluq məqsədi daşıyan vasitələr və Ukraynalı iş adamı ilə yazışmalar üçün istifadə edilən telefon aşkar edilib. İstintaq Komitəsinin rəsmi sözçüsü Svetlana Petrenko, şübhəlini terror aktına cəhddə ittiham etdiyini bildirib və barəsində həbs-qətimkan tədbiri seçildiyini açıqlayıb.
Yeniyetmə, Ukrayna kəşfiyyat orqanları tərəfindən koordinasiya edilən, Rusiyada qadağan olunmuş terror təşkilatına üzv olan bir şəxs ilə Telegram vasitəsilə yazışmalar aparıb. Bu şəxs ona, Kiyev rejiminin siyasətinə dəstək olaraq Kalininqrad vilayətində pravoslav kilsəsinin ərazisində terror aktı törətməyi tapşırıb. Şübhəli, işə götürəninin tapşırığı ilə kəşfiyyat aparıb və evdə hazırlanmış yandırıcı qurğular hazırlayaraq terror cəhdinə hazırlaşıb.
FSB, Ukrayna xüsusi xidmət orqanlarının sosial media, Telegram və WhatsApp kimi platformalarda Rusiya əleyhinə terror aktları hazırlamaq məqsədilə potensial günahkarları axtardığını bildirərək xəbərdarlıq edib ki, bu cür fəaliyyətlərə yardım edən şəxslər Rusiya qanunvericiliyinə uyğun olaraq cəzalandırılacaq.
