“Ötən gecə Kerçə hücumun dəf edilməsi nəticəsində iki bərə zədələnib. Ukraynanın endirdiyi zərbələr nəticəsində çoxsaylı yaralanan var.” – Vətəninfo.az xəbər verir ki, bunu Rusiyanın bölgədəki nümayəndəsi Nikolay Lukaşenko Telegram kanalında yazıb.
Rusiyanın Astra Teleqram kanalı yazır ki, Kerç sakinləri gecə saatlarında şəhərdə 20-yə yaxın partlayış səsi eşitdiklərini bildiriblər. Ukraynanın “Suspilne” telekanalı yerli sakinə istinadən Kerçdə 6 partlayışın baş verdiyini bildirib. Hücum zamanı Krım körpüsündə nəqliyyatın hərəkəti təxminən bir saat dayanıb.
“Ukrainska Pravda” Ukrayna Müdafiə Nazirliyinin Kəşfiyyat Baş İdarəsindəki mənbəyə istinadən xəbər verir ki, mayın 30-na keçən gecə idarənin xüsusi əməliyyatı nəticəsində Rusiyaya məxsus iki motorlu qayıq məhv edilib.
Rusiya Müdafiə Nazirliyi gecə saatlarında növbətçi hava hücumundan müdafiə sistemlərinin Azov dənizi üzərində Ukraynaya məxsus səkkiz ATACMS raketini vurduğunu və Qara dənizdə Krım sahillərində 8 pilotsuz uçan aparatının tutulduğunu bildirib. Bundan əlavə, Rusiya hərbçilərinin Qara dənizdə Krıma doğru hərəkət edən iki dəniz pilotsuz təyyarəsini məhv etdiyi güman edilir. Rusiya Federasiyasının Müdafiə Nazirliyi əlavə edib ki, səhər saat 7 radələrində hava hücumundan müdafiə sistemləri Krasnodar diyarında beş pilotsuz uçuş aparatını məhv edib.
