Vətəninfo.az xəbər verir ki, yanvarın əvvəlində Vladimir Zelenskidən müsahibə alan amerikalı podkaster Leks Fridman Vladimir Putinlə danışmaq üçün Rusiyaya gedəcəyini deyib.
“Yəqin ki, bu müharibə haqqında deyiləcək çox şey var. Deyərdim ki, Zelenskidən müsahibə almışam və Vladimir Putindən müsahibə almaq üçün Rusiyaya gedəcəm. Mən riskləri başa düşürəm, riskləri qəbul edirəm və məqsədim yalnız sülhə nail olmaqdır, sülhə nail olmaqda mənim kiçik töhfəmdir”, – Fridman amerikalı aparıcı Co Roqanın podkastında deyib.
Fridmanın sözlərinə görə, 2022-ci il müharibəsi başlayandan bəri sülh üçün üç fürsət yaranıb. Birincisi 2022-ci ilin mart-aprel aylarında Ukrayna qüvvələri Kiyevi müdafiə edərkən, ikincisi isə həmin ilin payızında Ukrayna silahlı qüvvələrinin Xarkov vilayətində uğurlu əks-hücumundan sonra, üçüncüsü isə indi gəlib.
