İsrail Hərbi Hava Qüvvələrinə məxsus pilotsuz uçan aparat Livanın cənubuna zərbə endirib, nəticədə Hizbullah hərəkatının hərbi rəhbərliyinin iki üzvü həlak olub.
Vətəninfo.az xəbər verir ki, bu barədə “Əl-Hədəs” telekanalı məlumat yayıb.
Telekanalın məlumatına görə, İsrail pilotsuz təyyarəsinin raket atdığı maşında müqavimət komandirləri Məhəmməd Şvaya və Radvan Xaşab olub.
Hadisə Tir əyalətinin sərhəd bölgəsindəki El-Mansuri kəndində baş verib. Pilotsuz uçan aparatla vurulduqdan sonra avtomobil alovlanıb və içəridəki hərbçilər aldıqları yaralardan ölüblər.
