Belarus prezidenti Aleksandr Lukaşenko bəyan edib ki, ölkə müharibəyə hazırlaşmalıdır. Eyni zamanda, bu müharibənin baş verməməsi arzusunu da dilə gətirib. Vətəninfo.az-ın məlumatına görə , bu barədə BELTA agentliyi məlumat yayıb.
“Köhnə bir formula var: sülh istəyirsənsə, müharibəyə hazırlaş. Mən bir daha vurğulamaq istəyirəm (baxmayaraq ki, nəyə görə kiməsə haqq qazandırmaq lazımdır) biz müharibəyə getmirik, müharibə etmək istəmirik… Bütün bunlar artıq deyilib. Müxaliflərimiz, ahoyanlarımız, bizə qarşı döyüşə gedənlər bunu eşidirlər, amma öz işlərini görürlər. Ona görə də biz müharibəyə hazırlaşmalıyıq. Allah nəsib etsin ki, belə müharibə olmasın”, – Lukaşenko Brest vilayətindəki Obuz-Lesnovski düşərgəsində keçirilən görüşdə deyib.
O əlavə edib ki, Rusiyanın cəbhə xəttində baş verən hadisələr, eləcə də son illərdə dünyada baş verən hərbi münaqişələrin təcrübəsi nəzərə alınmaqla, Belarusda orduda artıq 4 dəfə islahatlar aparılıb. O qeyd edib ki, ölkə artıq beşinci dəfədir ki, öz silahlı qüvvələrinin modernləşdirilməsinə üz tutur.
Belarus prezidenti qeyd edib ki, ölkə pilotsuz təyyarələrlə qarşılaşmağa hazır olmalıdır. Obuz-Lesnovski təlim-məşq toplanışında keçirilən konfrans bu mövzuya həsr olunub.
