Fransa prezidenti Emmanuel Makron parlamentdə baş nazir Mişel Barnierin hökumətinə etimadsızlıq səsverməsindən sonra tez bir zamanda yeni baş naziri təyin etmək üçün tərəfdarları və yüksək səviyyəli siyasətçilərlə görüşlər keçirib. Vətəninfo.az xəbər verir ki, bu barədə “Reuters” agentliyi məlumat yayıb.
Qeyd olunur ki, Fransa mətbuatında adı tez-tez Barnierin davamçısı kimi hallandırılan Fransua Bayro Makronla nahar etməli idi. Bayrou mərkəzçi siyasətçi və Makronun yaxın müttəfiqlərindən biridir.
Media müdafiə naziri Sebastien Lecorneux-un da adını tirajlayır, lakin onun Makronla görüşündən xəbər yoxdur.
Üç mənbənin Reuters-ə verdiyi məlumata görə, Makron dekabrın 7-də Parisdə ABŞ-ın yeni seçilmiş prezidenti Donald Trampın da qatılacağı Notr-Dam kilsəsinin yenidən açılışından əvvəl çox tez baş nazirə əvəz tapmaq niyyətindədir.
Dekabrın 5-də axşam saatlarında Makron televiziya ilə fransız xalqına müraciət etməlidir, bundan başqa, Fransa KİV-lərinin məlumatına görə, o, Senatın rəhbəri ilə görüşəcək.
Mişel Barnier üç ay əvvəl baş nazir postunu tutmuşdu. Dekabrın 4-ü axşam saatlarında Fransa Milli Assambleyası baş nazirə və hökumət üzvlərinə etimadsızlıq səsverməsi ilə çıxış edib. Milli Assambleyada belə səsverməyə səbəb baş nazir Mişel Barnierin 2025-ci ili parlamentdə keçirməsi olub.
