Donald Trampın ABŞ prezidenti kimi vəzifəsinə qayıtdıqdan sonra atdığı ilk addımlar Avropada şok dalğasına səbəb olub. Vətəninfo.az xəbər verir ki, Fransa prezidenti Emmanuel Makron Britaniyanın “Financial Times” qəzetinə verdiyi müsahibədə xarici şokun Avropa İttifaqının (Aİ) zamanın tələblərinə uyğun yenidən qurulmasına kömək edə biləcəyini qeyd edib.
“Bu elektrik şokudur.” “Bizə asimmetrik siqnallar, xarici siqnallar lazımdır”, – Makron bildirib. O, Aİ-nin başqa seçimi olmadığı barədə xəbərdarlıq edərək, “Avropanın addım atması və hərəkətə keçməsi vaxtıdır”.
Makronun fikrincə, “həddindən artıq strateji qeyri-müəyyənlik” ABŞ-dan “strateji asılılığını” davam etdirməyə ümid edən Avropa ölkələrini ayıqlaşdırmağa kömək edəcək,
Avropa müdafiəyə sərmayə qoymaqla və daha geniş iqtisadi inteqrasiya və tənzimlənmə yolu ilə ÜDM-in artımına nail ola bilər. Makronun sözlərinə görə, Avropanın gələcək hərbi potensialı ona “ABŞ-ın iştirakı olmadan belə” hərəkət etməyə imkan verməlidir. Makronun sözlərinə görə, bu, 5-10 il çəkəcək.
