Malidə törədilən 2 terror aktı nəticəsində 17 nəfər həlak olub
Vətəninfo.az xəbər verir ki, naməlum silahlı şəxslər ölkənin Bandiaqara şəhərinə hücum ediblər. Hadisə nəticəsində 15 nəfər ölüb, 3 nəfər yaralanıb.
Digər tərəfdən, Bandiaqara yaxınlığında motosikletin minaya düşməsi nəticəsində iki nəfər ölüb.
Sahel bölgəsindəki Burkina Faso, Mali və Niger son illərdə terror təşkilatı Əl-Qaidə və DEAŞ-a tabe olan qruplaşmaların hücumlarına məruz qalır.
2013-cü ildən bəri Malidəki xarici hərbi missiyalara baxmayaraq, ölkədəki terror təşkilatları hücumlarını davam etdirir.
