“Папины дочки” serialının aktyoru Andrey Svetlov Moskvada yoxa çıxıb. Vətəninfo.az xəbər verir ki, bu barədə “Regnum ” xəbər agentliyi məlumat yayıb.
Svetlovun itkin düşməsi barədə jurnalistlərə anası məlumat verib. Qadın bildirib ki, mayın 12-də oğlu evdən çıxaraq yoxa çıxıb. Onun sözlərinə görə, aktyor yarımştat iş üçün pul almaq üçün Moskva vilayətində tikinti sahəsinə gedib.
“O, Klimovsk şəhərinə getdi, orada tikinti şirkətində yarımştat işləyirdi, 9-dan 12-yə kimi Klimovskda idi. Onun yanında telefonu olmayıb, çünki bu yaxınlarda onu oğurlayıblar”, – deyə agentliyin həmsöhbəti bildirib.
