Məşhur müğənni Anna Sedokovanın keçmiş əri, latviyalı məşhur basketbolçu Yanis Tima Moskvada intihar edib. Vətəninfo.az xəbər verir ki, bu barədə RİA Novosti məlumat yayıb. Meyitin yanından telefon tapılıb, onun ekranında Sedokovaya ünvanlanmış mesaj var və o, ona zəng etməyi xahiş edib.
Agentliyin həmsöhbətinin sözlərinə görə, Yanis Timanın meyiti Moskvanın mərkəzindəki evin eyvanında tapılıb.
“İlkin məlumata görə, o, intihar edib”, – agentliyin həmsöhbəti bildirib.
Ötən həftə Moskvanın Xoroşevski rayon məhkəməsi Sedokovanın latviyalı basketbolçudan boşanma iddiasını qəbul edib.
Sedokova və Timma 2020-ci ildə evləniblər. Sedokovanın boşanma iddiası oktyabrın 16-da məhkəməyə təqdim edilib.
