Vətəninfo.az xəbər verir ki, İran prezidenti Məsud Pezeşkian keçmiş xarici işlər naziri, yaxın dostu olan Məhəmməd Cavad Zərifi ölkənin strateji məsələlər üzrə vitse-prezidenti təyin edib.
“Onun rəhbərliyi və strateji məsələlər üzrə biliyi prezidentin təşəbbüslərini həyata keçirməyə kömək edəcək”, – Pezeşkian açıqlamasında bildirib.
Qeyd olunur ki, Zərif seçkiqabağı kampaniya zamanı Pezeşkiyanın yanında olub və ona dəstək verib. Zərif 2013-2021-ci illərdə İranın xarici işlər naziri olub. Xüsusilə, o, beynəlxalq vasitəçilərin “altılığı” ilə İranın nüvə problemi ilə bağlı danışıqları koordinasiya edib.
