Moldova parlamenti iyulun 31-də keçirilən iclasda ölkədə fövqəladə vəziyyət rejimini avqustun 4-dən başlayaraq daha 60 gün uzadıb. Vətəninfo.az xəbər verir ki , bu barədə “İnterfaks” məlumat yayıb.
Qərarı hakim “Hərəkət və Həmrəylik” partiyasının deputatları (parlamentin 101 deputatından 55-i) dəstəkləyib.
Parlamentin tribunasından çıxış edən baş nazir Dorin Reçan belə bir ehtiyacın yaranmasını Ukraynada davam edən münaqişə ilə izah edib.
Onun sözlərinə görə, indiki şəraitdə belə, qaçqın axınının artması mümkündür, o cümlədən Moldovada sığınacaq axtaran və ya onun ərazisindən keçərək Aİ-yə üzv dövlətlərə çatmaq istəyənlər də var.
Qərarın izahat mətnində fövqəladə vəziyyətin uzadılması üçün arqumentlər Moldovanın hava məkanının pozulması ilə bağlı birbaşa təhdidlər, AES-də davam edən nüvə fəlakəti riski və s.
“Hökumət fövqəladə vəziyyətin uzadılmasını zəruri hesab edir ki, zərurət yaranarsa, mövcud normativ-hüquqi baza ilə nəzərdə tutulmuş bəzi qərarların qəbulu üçün operativ müdaxilə imkanı əldə etsin”, – Reçan vurğulayıb.
Moldovada fövqəladə vəziyyət 2022-ci il fevralın 24-də təsis edilib və sonra səkkiz dəfə 60 gün, bir dəfə isə 45 gün uzadılıb. Sonuncu dəfə iyunun əvvəlində qərar qəbul edilib, fövqəladə vəziyyətin müddəti avqustun 4-də başa çatır.
