NATO-nun baş katibi Yens Stoltenberq Vilnüs sammitində alyansın Ukraynaya yardımı gücləndirməyi planlaşdırdığını açıqlayıb. Vətəninfo.az Reuters istinadən xəbər verir ki, o, bu barədə Bratislavada keçirilən IX Buxarest Sammitində bildirib.
“Biz Ukrayna qüvvələrini NATO standartlarına uyğunlaşdıracaq və Ukraynanı NATO-ya yaxınlaşdıracaq çoxtərəfli paketlə Ukraynaya yardımı gücləndirəcəyik”, – deyə o bildirib.
Bundan əvvəl Ukraynanın xarici işlər naziri Dmitri Kuleba Vilnüsdə keçiriləcək sammitdə Ukraynanın xeyrinə qərarların olmamasının NATO üçün məğlubiyyət olacağını açıqlamışdı.
Kuleba həmçinin Estoniyanın xarici işlər naziri Marqus Tsakhkna ilə birgə mətbuat konfransında bildirib ki, Qoşulma üzrə Fəaliyyət Planı (MAP) ölkənin NATO-ya üzv olmasına mane olmamalıdır, çünki mexanizm “özünü aşmışdır”.
Xarici işlər naziri qeyd edib ki, Ukrayna hakimiyyətinin fikrincə, Ukrayna alyansın üzvü olmadan “Avro-Atlantik təhlükəsizlik üçün mübarizə” aparmaq hüququna malikdir.
