Braziliyalı “Santos”un hücumçusu Neymar karyerasının ən yaxşı dövrünü qeyd edib.
“Düşünürəm ki, karyeramın zirvəsi PSJ-də olub. Bir çox insan məni “Barselona”da Messi və Suareslə oynadığım üçün xatırlayır. Birlikdə üçlük yaratdıq və komanda ilə böyük uğurlar qazandıq.”
“Amma məhz PSJ-də əla formada, çevik və ağıllı idim, ən yaxşı oyun mentalitetinə malik idim və meydanda baş verənlərin hər bir incəliyini başa düşürdüm”, – deyə “The Touchline” 34 yaşlı Neymarın sözlərini sitat gətirir.
Neymar “Barselona”da (2013-2017) 186 oyun keçirib, 105 qol vurub və 76 məhsuldar ötürmə edib. PSJ-də (2017-2023) isə 173 oyun keçirib, 118 qol vurub və 80 məhsuldar ötürmə edib.
