Vətəninfo.az Reuters-ə istinadən xəbər verir ki, Niger ordusu prezident Məhəmməd Bazumini devirdiyini elan edib.
“Niger hərbçiləri milli televiziyada danışır, deyirlər ki, prezident Bazum devrilib, sərhədlər bağlanıb”, – mesajda deyilir.
Onlar həmçinin bütün ştatda komendant saatı tətbiq edəcəklərini və bütün qurumların işini dayandıracaqlarını açıqlayıblar.
Bundan əvvəl prezident qvardiyasının əsgərləri ölkənin paytaxtı Niameydə prezident sarayının qarşısını kəsiblər. Bazumun ofisi ordunun dövlət əleyhinə üsyana dəstək vermədiyini açıqlayıb və onlara “ultimatum” təqdim edib.
“Jeune Afrique” portalının məlumatına görə, iğtişaşlara səbəb kimi Bazumun prezident qvardiyasının komandiri, general Ömər Çianini azad etmək niyyəti göstərilib. Portal qvardiya əsgərləri ilə ordunun qalan hissəsi arasında qarşıdurmanın qarşısını almaq məqsədi daşıyan danışıqlar barədə məlumat verib. Əl Ərəbiyyə telekanalı öz mənbələrinə istinadən xəbər verir ki, prezident iğtişaşçıların istefa bəyanatını imzalamaq tələbini rədd edib.
Daha sonra “France Presse” agentliyi Benin prezidenti Patris Talonun Nigerə danışıqlar aparan şəxs kimi getdiyini bildirib.
