Nizami rayonunda sakinlərin müraciətlərinə daima diqqətlə yanaşılır, onları narahat edən problemlər öyrənilir, qaldırılan məsələlərin həlli üçün müvafiq tədbirlər görülür.
Belə ki, M.X.Şərifli və Ş.Mirzəyev küçələrinin kəsişməsində yerləşən parkın elektrik xətlərində tez-tez baş vermiş qısaqapanmalar nəticəsində sıradan çıxmış işıqlandırma sistemi sakinlərin müraciətləri əsasında demontaj olunaraq yenidən çəkilmiş, işıq dirəkləri istismar müddətini artırmaq və korroziyadan mühafizə etmək üçün əsaslı təmir olunmuş, ərazinin işıqlandırılması tam bərpa edilmiş və sakinlərin istifadəsinə verilmişdir.
