Norveçin müdafiə naziri Byorn Arild Qram F-16 qırıcılarının saxlanması üçün Kiyevə 118 milyon dollar ayıracağını açıqlayıb. Vətəninfo.az xəbər verir ki , bu barədə “İnterfaks” Norveç hökumətinin mətbuat xidmətinə istinadən məlumat yayıb.
“Oktyabrın 29-30-da nazir Qram Ukraynanın liman şəhəri Odessada olub. Səfər zamanı o, Norveçin Ukrayna Hərbi Hava Qüvvələrinə əlavə 118,4 milyon dollar göndərməklə dəstəyini artıracağını və bu vəsaitin başqa şeylərlə yanaşı, F-16-lar üçün silah və ehtiyat hissələrinin alınmasına sərf ediləcəyini açıqlayıb”, – məlumatda deyilir.
Press-relizdə xatırladılır ki, Oslo 2024-2025-ci illər üçün hazırlaşır. Altı ədəd F-16-nı Ukraynaya çatdırıb və Danimarkada ukraynalı pilotların hazırlanmasına köməklik edib.
Bundan əlavə, nazir qeyd edib ki, Norveç Ukraynaya 130 şişmə qayıq göndərəcək və artıq ilk tədarüklər həyata keçirilib.
Sentyabrda Norveç hakimiyyəti Ukraynaya illik yardımın göstərilməsi müddətini uzadıb və bu məqsədlər üçün hər il əlavə 475 milyon dollar ayıracaq. Beləliklə, 2030-cu ilə qədər Norveçin Kiyevə ümumi yardımı gözlənilən 7,1 milyard dollardan 12,8 milyard dollara yüksəldi.
