Almaniya kansleri Olaf Şolz Bundestaqın müxalif Xristian Demokrat İttifaqından olan deputatının kanslerin fevralın 23-dək Moskvaya səfər edəcəyi barədə bəyanatını yalan hesab edib.
Vətəninfo.az xəbər verir ki, deputat X-də yazıb ki, Şolzun Rusiyaya fevralın 23-nə təyin edilmiş növbədənkənar Bundestaq seçkilərinə qədər səfər edə biləcəyinə dair sübutlar var. Deputat bu məlumat üçün heç bir mənbə göstərməyib.
Almaniya Sosial Demokrat Partiyasının iclasından əvvəl Olaf Şolz , “Bu, yalan bəyanatdır. Bu, dərin ədəbsizlikdir” dedi.
Bundan əvvəl Almaniya Nazirlər Kabinetinin mətbuat xidməti Şolzun Moskvaya gözlənilən səfəri ilə bağlı xəbərin uydurma olduğunu bildirib.
