Hindistan və Pakistan tam müharibə təhlükəsi ilə üz-üzə gəldikdən sonra atəşkəs elan ediblər.
Pakistan ordusu Hindistanla onilliklər ərzində ən ciddi qarşıdurma zamanı ötən həftə 40 mülki vətəndaşın və 11 hərbi qulluqçunun həlak olduğunu açıqladı.
Nüvə silahına malik olan qonşular dörd gün ərzində qarşılıqlı hücumlar həyata keçirdilər ki, bu da tammiqyaslı müharibəyə çevrilmə təhlükəsi yaratdı. Lakin ABŞ prezidenti Donald Tramp mayın 10-da Vaşinqtonun vasitəçiliyi ilə atəşkəs elan edildiyini bildirdi.
Pakistan ordusu bəyanatında Hindistanın “əsassız və qəbuledilməz hücumlarının” 40 mülki şəxsin, o cümlədən yeddi qadın və 15 uşağın ölümünə səbəb olduğunu açıqladı.
“Vətənimizi böyük şücaətlə müdafiə edərkən, Pakistan Silahlı Qüvvələrinin 11 hərbi qulluqçusu şəhid oldu, 78 nəfər isə yaralandı,” bəyanatda qeyd edilib.
