İyunun 18-də Ermənistanın baş naziri Nikol Paşinyan ilə Türkiyə prezidenti Rəcəb Tayyib Ərdoğan arasında telefon danışığı olub. Vətəninfo.az xəbər verir ki, bu barədə Türkiyə mediası məlumat yayıb.
Paşinyan Türkiyə prezidentini Qurban bayramı münasibətilə təbrik edib.
Prezident Ərdoğan Paşinyana Ermənistanın şimal bölgələrində baş verən son sellə bağlı başsağlığı verib.
Liderlər Ermənistan və Türkiyə arasındakı münasibətlərin heç bir ilkin şərt olmadan tam nizamlanması üçün siyasi iradələrini vurğuladılar.
Bu kontekstdə liderlər iki ölkənin xüsusi nümayəndələrinin görüşlərinin davam etdirilməsinin vacibliyini vurğuladılar və indiyə qədər əldə edilmiş razılaşmaları bir daha təsdiq etdilər.
Liderlər Ermənistan və Türkiyənin yüksək səviyyəli nümayəndələri arasında davamlı dialoqu məmnunluqla qeyd ediblər. Onlar həmçinin regionda baş verən son hadisələri və beynəlxalq gündəmi müzakirə ediblər.
