Polşa ABŞ-dan aldığı 5-ci nəsil F-35 təyyarələrini aldıqdan sonra MiQ-29 qırıcılarının Ukraynaya təhvil verilməsi barədə qərar qəbul edəcək.
Vətəninfo.az xəbər verir ki , bu barədə Polşanın baş nazirinin müavini, milli müdafiə naziri Vladislav Kosiniyak Kamiş PAP agentliyinə müsahibəsində bildirib.
“MiQ-29-larla bağlı mümkün qərar Polşa Hərbi Hava Qüvvələri ABŞ-da sifariş edilən F-35 döyüş təyyarələri kimi yeni təyyarələrlə gücləndirildikdən sonra verilə bilər. – Belə olan halda biz qərar verəcəyik”.
Kosiniak Kamış Polşanın “ötürə biləcəyi hər şeyi” Ukraynaya köçürdüyünü də qeyd edib.
Aprel ayında Polşanın baş naziri Donald Tusk bəyan etmişdi ki, Polşanın MiQ-29-ların Ukraynaya mümkün təhvil verilməsi “Polşanın təhlükəsizliyinə zərər verə bilməz”.
Polşa ABŞ-dan 32 ədəd F-35 Lightning II 5-ci nəsil qırıcı alıb. İlk təyyarə avqustun 27-də Polşa hərbçilərinə təhvil verilib, lakin qırıcı ABŞ-da qalacaq və orada polşalı pilotların hazırlanması üçün istifadə olunacaq. F-35-lərin Polşaya yalnız 2026-cı ildə gəlməsi gözlənilir.
