ABŞ Prezidenti Donald Tramp hazırda “Rusiya agenti” kimi hərəkət edir və Ukraynaya qarşı müharibədə Moskvaya üstünlük verir. Bu sərt bəyanatla Portuqaliya Prezidenti Marselu Rebelo de Souza çıxış edib. Vətəninfo.az xəbər verir ki, onun sözlərini CNN Portugal yayıb.
Portuqaliya lideri bu fikirləri Gənclər üçün təşkil olunan Yay Universitetində beynəlxalq vəziyyət və çağdaş təhlükələr barədə çıxış edərkən səsləndirib. Souza Trampı emosional və vasitəçilərsiz birbaşa ünsiyyətə əsaslanan yeni liderlik üslubunun nümunəsi kimi təqdim edib, lakin beynəlxalq güc balansında təhlükəli dəyişikliklərə diqqət çəkib.
“Çox xüsusi və mürəkkəb bir məsələ var: aparıcı bir supergücün lideri obyektiv şəkildə sovet, yəni Rusiya agenti kimi davranır. O, bir agent kimi fəaliyyət göstərir,” – deyə Souza bildirib.
Portuqaliya prezidenti əlavə edib ki, bu, dostluq və ya iqtisadi, ideoloji və ya doktrinal əməkdaşlıq əsasında formalaşan bir ittifaq deyil.
“O deyir ki, obyektiv baxımdan, yeni Amerika rəhbərliyi strateji olaraq Rusiya Federasiyasına dəstək verir,” – deyə Souza vurğulayıb.
Dövlət başçısı həmçinin bildirib ki, ABŞ artıq münaqişənin bir tərəfinin müttəfiqi olmaqdan çıxıb və “yalnız Rusiya ilə danışıqlar aparmaq istəyən”, Ukrayna və Avropanı prosesdən kənarlaşdıran bir “arbitra” çevrilib.
