“Vaqner” rəhbəri Yevgeni Priqojin Donetsk vilayətinin Baxmut şəhərindən muzdlu birləşmələrinin geri çəkildiyini elan edib .
Vətəninfo.az xəbər verir ki, Priqojinin mətbuat xidməti “Vaqnerin ” geri çəkilməsinin iddia edilən başlanğıc prosesini əks etdirən bir video yayımlayıb.
“Biz arxa cəbhələrə gedirik… İyunun 1-nə kimi hamımız toplanacağıq, bu ərazi hərbçilərə təhvil veriləcək”, – deyə Priqojin bildirib.
Sonra o, dağılmış hündürmərtəbəli binanın fonunda gəzərək, hərbi texnikanın heyətləri ilə söhbət edib. Vaqnerçilərlə ünsiyyət zamanı Priqojin onlara bir daha bildirdi ki, iyunun 1-dək PMK-nın bütün bölmələri istirahət üçün arxa cəbhəyə gedəcək.
“Biz Bölmələri Baxmutdan çıxarırıq. İndi səhər saat 5-dir, mayın 25-dir … İyunun 1-ə kimi əsas hissə düşərgələrə köçürüləcək. Mövqeləri hərbçilərə təhvil veririk. Sursat, mövqe, hər şey, quru yeməklər də daxil olmaqla.Hər kəs “Vaqner”ın necə hərəkət etdiyini düşünür.
Baxmutdan “Vaqnerlər”in çıxışı
Mayın 20-də Yevgeni Priqojin elan etdi ki, muzdluları Donetsk vilayətində Baxmutu “ələ keçiriblər” və mayın 25-də şəhəri tərk etməyə başlayacaqlar.
“Putinin aşpazı”nın bəyanatını Ukrayna Silahlı Qüvvələrinin Şərq Qrupunun mətbuat katibi Sergey Çerevatı şərh edib. Onun sözlərinə görə, “Vaqner” PVK qrupu Baxmut istiqamətində mahiyyətcə məğlub olub .
