Vətəninfo.az xəbər verir ki, “Vaqner” hərbi özəl təşkilatının yaradıcısı Yevgeni Priqojin bildirib ki, Rusiya ordusu cəbhə xəttində ciddi itkilər verir və bu, Ukraynada döyüşən Rusiya Silahlı Qüvvələrinin şəxsi heyətinin azalmasına səbəb olub.
“Hazırda cəbhədə çox ciddi itkilər var. Öldürülənlər, yaralananlar və itkin düşənlər. Bölmələrdəki döyüşçülərin sayı azalır. Əvvəllər taqım 100-dən çox adamla tapşırıq yerinə yetirirdisə, indi 50 və ya 60 nəfərdir. Şəxsi heyət azaldıqca, təbii ki, əsgər ölümləri də artır. İnsanlar səfərbər və hazır olmalıdır. Əks halda, müharibəni, insanların və ərazilərin itkisini dayandırmaq mümkün olmayacaq”, – Priqojinin sözlərini onun mətbuat xidməti sitat gətirib.
