“Xankəndidə separatçıların təxribatlara hazırlaşdığı aşkardır. Separatçılar bu gün “xalq hərəkatı” adı altında aksiyaya başladıqlarını bildiriblər. Bu aksiyanın kimin tərəfindən idarə oldunduğu rəsmi Bakıya bəllidir” – bu fikirləri Vətəninfo.az-a açıqlamasında politoloq Arzuman Muradlı bildirib.
Politoloq hesab edir ki, qondarma rejimin rəhbərlərinə bu göstərişin Rusiyadan gəldiyi şübhəsizdir.
“Rusiya Qarabağda sülhməramlıların fəaliyyətini enişləndirmək üçün təxribatlarda dolayısı ilə iştirak edir. Qarabağda Rusiyanın göstərişi ilə oturan qondarma rejimin keçmiş “dövlət naziri” Ruben Vardanyan da aksiyaya qoşulub. Bu onu deməyə əsas verir ki, Rusiya birbaşa bu aksiyaya nəzarət edir” -deyə Arzuman Muradlı bildirib.
