İyulun 6-na keçən gecə Cənubi Afrika Respublikasının şimalında qaz sızması nəticəsində azı 24 nəfər ölüb. Vətəninfo.az-ın TASS agentliyinə istinadən verdiyi məlumata görə , bu barədə Gauteng əyalətinin fövqəladə hallar xidməti məlumat yayıb.
“Boksburq şəhəri yaxınlığında qeyri-qanuni yaşayış məntəqəsi ərazisində azot qazı sızması baş verib. Qaz balonunun yanında olanların hamısı həlak olub. Silindr evlərdən birinin həyətində yerləşirdi”, – xidmətin nümayəndəsi Uilyam Nthladi bildirib.
Onun sözlərinə görə, ilkin araşdırma azotun qanunsuz mineral sənayesi üçün istifadə edildiyini göstərib.
