Fələstin rəsmiləri İsrailin 9 aydır “soyqırım müharibəsi” apardığı Qəzza zolağının mərkəzindəki Deyr əl-Balah və Qəzza şəhərlərində artan su probleminin təxminən 700 min insanın həyatını təhdid etdiyini açıqlayıb.
Qəzza şəhəri başda olmaqla, Qəzza zolağının şimalında yaşanan yanacaq çatışmazlığı səbəbindən su təmizləyici qurğuların və su quyularının sıradan çıxdığı bildirilir.
Bu barədə Deyr əl-Balah Bələdiyyəsinin Fövqəladə Hallar Komitəsinin sədri İsmayıl Sarsur məlumat verib.
İsrailin hücumları səbəbindən şəhərdəki 700 min insanın su çatışmazlığı ilə üz-üzə olduğunu ifadə edən İsmayıl Sarsur su böhranının ciddi sağlamlıq problemlərinə səbəb ola biləcəyi ilə əlaqədar xəbərdarlıq edib.
Qəzza zolağı Bələdiyyələri Federasiyasının koordinatoru Hüsnü Muhenna da İsrail ordusunun quyuları və su xətlərini dağıtması nəticəsində Qəzza və şimalında quraqlığın yaşandığını deyib.
Su qıtlığının sağlamlıq və ekoloji fəlakət olduğunu və xüsusilə uşaqlar arasında epidemiya və xəstəliklərin yayılmasına səbəb olduğunu vurğulayan Hüsnü Muhenna Qəzza zolağının müxtəlif şəhərlərində su böhranının aradan qaldırılması üçün beynəlxalq təşkilatlara və BMT-yə təcili hərəkətə keçməsi ilə əlaqədar çağırış edib.
Qəzzada su böhranı yaşanır
