İsraillə 15 aylıq müharibədən sonra Qəzza zolağının yenidən qurulması ehtiyacları 53 milyard dolları keçəcək.Vətəninfo.az xəbər verir ki , bu barədə BMT, Avropa İttifaqı və Dünya Bankının birgə dərc etdiyi hesabatda qeyd olunub.
Zərərin və ehtiyacların ilkin qiymətləndirilməsi göstərib ki, Qəzza zolağının bərpası və yenidən qurulması üçün növbəti on il ərzində 53,2 milyard dollar, o cümlədən ilk üç il üçün tələb olunan 20 milyard dollar lazımdır.
Bundan əvvəl BMT-nin baş katibi Antonio Quterreş Baş Assambleyanın tələbi ilə hazırladığı hesabatda Qəzza zolağının qısa, orta və uzunmüddətli reabilitasiyası və yenidən qurulması üçün 53 milyard 142 milyon dollara ehtiyac olduğunu qeyd etmişdi.
Bununla bağlı Amerika Rand Araşdırma İnstitutunun araşdırması göstərib ki, Qəzza zolağının bərpası üçün 80 milyard dollardan çox vəsait lazım olacaq və təkcə dağıntıların çıxarılması 700 milyon dollardan çox başa gələcək.
Birləşmiş Millətlər Təşkilatının Peyk Mərkəzinin (UNOSAT) yanvar ayında 2024-cü ilə qədər apardığı zərərin qiymətləndirilməsinə görə Dekabrın 1-nə Qəzza zolağında binaların təxminən 69%-i zədələnib və ya dağılıb, ümumilikdə 170 812 bina zədələnib.
Qəzzadakı xəstəxanaların 95%-nin işlək olmadığı, yerli iqtisadiyyatın isə 83% kiçildiyi barədə məlumatlar da var.
