Qırğızıstanda kütləvi iğtişaşlar və dövlət çevrilişi planlaşdıran qrup zərərsizləşdirilib.
Qeyd olunur ki, onun üzvlərinə keçmiş siyasi xadimlər, mütəşəkkil cinayətkar qrupların üzvləri və vətəndaş fəalları daxildir.
Polis əməkdaşlarının keçirdikləri əməliyyat-axtarış tədbirləri zamanı həmin qrupun fəal üzvü, Cəlalabad rayon sakini, vətəndaş Ş.E.K.-nı müəyyən ediblər.
“Temiş aka Oygoon Qırğız” təxəllüslü şəxs 1981-ci ildə anadan olub. O, Çuy vilayətinin Daxili İşlər Baş İdarəsinin İstintaq Xidmətinə aparılıb.
Keçirilən əməliyyat-axtarış tədbirləri zamanı onun qanunsuz fəaliyyətinə dair hərtərəfli sübutlar aşkar edilərək götürülüb.
Qırğızıstan Respublikası Cinayət-Prosessual Məcəlləsinin 96-cı maddəsi ilə saxlanılaraq müvəqqəti saxlama təcridxanasına yerləşdirilib.
