Vətəninfo.az xəbər verir ki, rusiyalı politoloq Modest Kolerov erməni mediasına müsahibə verib. Müsahibəni ixtisarla oxuculara təqdim edirik.
– Srağagün Rusiya ilə ABŞ arasında ilk görüş və danışıqlar Səudiyyə Ərəbistanının paytaxtı Ər-Riyadda baş tutub. Onların nəticələrini necə qiymətləndirirsiniz? Nəticələrdən razısınızmı?
– Görüş uğurlu keçdi. Bütün prosesi o başlatdı.
– Niyə görüş yeri kimi Ər-Riyad seçildi?
– Çünki Səudiyyə Ərəbistanının həm ABŞ, həm də Rusiya ilə xüsusi əlaqələri var.
– Hansı yeni prosesdən danışırsınız?
– Bu görüş Rusiya-Amerika münasibətlərinin nizamlanması üçün başlanğıc nöqtəsi oldu. Avropa Birliyi və Ukrayna buna qarşı çıxır. Lakin yeni dünya nizamı bunu tələb edir. Orada Hindistan və Çin də iştirak edir.
– Sizcə, bizim regionda Rusiya-Amerika münasibətlərinin normallaşması nəyə gətirib çıxara bilər?
– ABŞ və Rusiya arasında münasibətlərin normallaşması Zaqafqaziyaya birbaşa təsir etməyəcək. Eyni zamanda, Paşinyan hazırda ABŞ-la qarşıdurmada olan Avropa İttifaqına doğru kurs seçib.
– Rusiyanın ABŞ-la münasibətlərinin yaxşılaşması İran və Çinlə münasibətlərdə gərginliyə səbəb ola bilərmi?
– Xeyr, Rusiya-Amerika münasibətlərinin tənzimlənməsi heç bir halda Rusiyanın İran və Çinlə münasibətlərinə təsir etməyəcək.
– ABŞ və Aİ arasındakı gərginlik Ermənistana necə təsir edəcək?
– ABŞ və Aİ arasında münaqişə gərginləşərsə, Ermənistanın strateji vəziyyətini daha da çətinləşdirəcək. Avropa İttifaqı Ermənistana real yardım göstərə bilməyəcək: onun Ermənistanla nə ordusu, nə kifayət qədər maliyyə resursları, nə də ərazi əlaqələri var. Ermənistanın xarici dünya ilə əlaqəsi üçün cəmi iki quru dəhlizi var – Gürcüstan və İran vasitəsilə. Hazırda Avropa İttifaqı bu dəhlizlərin hər ikisi ilə ziddiyyət təşkil edir. Bu vəziyyətdə İrəvanın Avropa Birliyinə seçdiyi kurs açıq-aşkar intihardır.
