Rusiya KİV-i xəbər verir ki, 2025-ci ildə 5,5 min əcnəbi və vətəndaşlığı olmayan şəxsə Rusiya ərazisində müvəqqəti yaşamaq üçün icazə verilməsi planlaşıdırılır.
2024-cü ildə bu rəqəm 10 595 idi.
Moskva şəhəri və Moskva ətrafı üçün müəyyənləşdirlən maksimum kvotaya görə 1 350 miqrantın burada yaşamasına icazə veriləcək.
Sankt-Peterburq üçün 200 icazə kvotası müəyyənləşdirilib. İki il əvvəl hər birinin 500 icazəsi olan Tatarıstan və Başqırdıstan bu il cəmi 100 (2024-cü ildə hər biri 250) icazə kağızı verə biləcək.
Qeyd olunub ki, son beş il ərzində kvotanın həcmi ildən-ilə azalır: 2023-cü ildə Rusiya Nazirlər Kabineti 13,5 min, 2022-ci ildə 19 minə yaxın, 2021-ci ildə 39 mindən çox icazə verib.
