Vətəninfo.az xəbər verir ki, Rusiyanın Müdafiə Nazirliyi ötən gecə ölkə ərazisinə edilən genişmiqyaslı pilotsuz təyyarə hücumları barədə məlumat yayıb. Nazirliyin açıqlamasına görə, Rusiya hava hücumundan müdafiə sistemləri Ukraynaya məxsus 221 pilotsuz uçuş aparatını vuraraq zərərsizləşdirib.
“Dünən gecə növbətçi hava hücumundan müdafiə sistemləri Ukraynaya məxsus 221 təyyarə tipli pilotsuz təyyarəni ələ keçirib və məhv edib”, – deyə rəsmi məlumatda qeyd olunub.
Ən çox dron Bryansk vilayətində vurulub – 85 ədəd. Smolensk vilayətində 42, Leninqrad vilayətində 28, Kaluqa vilayətində isə 18 pilotsuz uçuş aparatı zərərsizləşdirilib. Novqorod vilayətində 14 dron məhv edilib.
Oryol və Moskva vilayətlərində 9, Belqorodda 7, Rostov və Tver vilayətlərində 3, Pskov, Tula və Kursk vilayətlərində isə hər birində 1 pilotsuz təyyarə vurulub.
Son günlərdə Ukraynanın Rusiya ərazisindəki strateji obyektlərə dron hücumlarını intensivləşdirməsi fonunda bu hadisə Rusiyada ciddi narahatlıq doğurub. Müdafiə Nazirliyi dron hücumlarının qarşısının alındığını bildirsə də, hücumların miqyası ölkənin hava təhlükəsizliyi ilə bağlı suallar doğurur.
