Rusiya Çinə neft və qaz tədarükü üzrə birinci yeri tutub.
Vətəninfo.az xəbər verir ki, bunu Rusiya prezidenti Vladimir Putin Çin Sədri Si Cinpinlə videobağlantı vasitəsilə söhbətində deyib.
“Çin Rusiyanın enerji resurslarının ən böyük istehlakçısıdır. Biz neft ixracında birinci yeri tuturuq. Beş il əvvəl sizinlə birlikdə “Sibirin Gücü” qaz kəmərinin istismarına start verdik, bu gün isə Rusiya Çinə təbii qaz tədarükündə birinci yerdədir”, – V.Putin qeyd edib.
Putin ötən ilin Rusiya-Çin münasibətləri üçün son dərəcə məhsuldar olduğunu, Şanxay Əməkdaşlıq Təşkilatı və BRİKS-də keçirilən sammitlərdə faydalı məsləhətləşmələr apardıqlarını bildirib.
O, Birləşmiş Millətlər Təşkilatı (BMT) və G20 kimi təşkilatlarla koordinasiyalı fəaliyyət göstərdiklərini vurğulayaraq deyib:
“Biz birlikdə daha ədalətli, çoxqütblü dünya nizamının qurulmasının tərəfdarıyıq və Avrasiya məkanında və bütövlükdə dünyada bölünməz təhlükəsizliyin təmin edilməsinə çalışırıq.
“Mənfi xarici müdaxilələrə” baxmayaraq, ikitərəfli ticarət həcmi yaxşılaşır. Keçən ilin ilk 11 ayında ticarət həcmimiz 7 faiz artaraq 220 milyard dolları keçdi. Çin məlumatlarına görə, bu, keçən il ümumilikdə 245 milyard dollara çatdı, Çin bizim əsas ticarət tərəfdaşımızdır və Rusiya da Çinin beşinci ən böyük ticarət tərəfdaşıdır”.
Rusiya qazını Çinə daşıyan “Sibirin Gücü” boru kəmərinin 5 il əvvəl fəaliyyətə başladığını xatırladan Putin bunları qeyd edib:
“Çin Rusiyanın enerji resurslarının ən böyük istehlakçısıdır. Biz Çinə neft ixracına görə birinci yerdəyik. Sənaye, nəqliyyat, kənd təsərrüfatı və digər sahələrdə uğurlu birgə layihələr həyata keçirilir. “Made in Russia” yarmarkalarının keçirilməsi təcrübəsi Çin şəhərlərində kifayət qədər uğurlu oldu”.
