Rusiya bütün NATO ölkələrinin birlikdə istehsal etdiyi raketlərdən on dəfə çox istehsal edir. Üstəlik, Moskva gələn ildən bu mərmilərin buraxılışını daha bir rüb artıracaq. Vətəninfo.az xəbər verir ki , bu barədə Rusiya prezidenti Vladimir Putin KTMT-nin Astanada keçirilən sammitində bildirib.
“Müvafiq raket sistemləri və avadanlıqlarının istehsalına gəlincə, Rusiyada bu, bütün NATO ölkələrinin birgə istehsalından 10 dəfə çoxdur. Gələn il həmin hasilat daha 25-30 faiz artırılacaq”, – TASS Putinin sözlərindən sitat gətirib.
Eyni zamanda, Rusiya Federasiyasının prezidenti vurğulayıb ki, Rusiya ərazisinə, o cümlədən Qərb silahları ilə edilən hücumlar heç vaxt cavabsız qalmayacaq.
“Bizim tərəfdən hücumlar Amerikanın ATACMS raketlərinin Rusiya ərazisinə davamlı hücumlarına cavab olaraq həyata keçirilib. Artıq dəfələrlə dediyim kimi, hər zaman bizim tərəfdən cavab olacaq”, – o deyib.
