Rusiyanın “Baza” teleqram kanalının baş redaktoru Qleb Trifanov rüşvətxorluqda ittiham olunub və buna görə həbs edilib. Vətəninfo.az xəbər verir ki, bu barədə Rusiya Federasiyasının İstintaq Komitəsi məlumat yayıb. “Rusiya Federasiyası Cinayət Axtarış İdarəsinin Moskva vilayəti üzrə müstəntiqləri Baza telegram kanalının baş redaktoru Qleb Trifanovu və onun həmkarını rüşvət almaqda şübhəli bilinərək saxlayıblar. Onlar ifadə vermək üçün müstəntiq tərəfindən saxlanılır”, – İstintaq Komitəsinin açıqlamasında bildirilir.
Məlumatda həmçinin qeyd olunur ki, axtarışlar zamanı araşdırma üçün vacib olan sənədlər və elektron informasiya daşıyıcıları aşkar edilərək götürülüb.
