Ötən gecə Xarkovun Osnovyansk rayonunda yaşayış binalarının bombalanması nəticəsində 4 nəfər həlak olub. Onlardan ikisi qadın, ikisi kişidir.
Vətəninfo.az xəbər verir ki, məlumatı Xarkov vilayət hərbi administrasiyasının rəhbəri Oleq Sinegubov verib.
O, binaların dağıdılmasını da qeyd edib. Sinequbov yaralılar barədə də məlumat verib və qeyd edib ki, şəhərin mərkəzində ən azı üç hava bombası partlayıb.
BBC xəbər verir ki, hücum nəticəsində 1925-1928-ci illər arasında tikilmiş Xarkov şəhərinin ən məşhur binalarından biri olan “Qosprom” zədələnib.
2017-ci ildə bina YUNESKO-nun Ümumdünya İrs Saytlarının ilkin siyahısına daxil edilib.
