Ukrayna silahlı qüvvələri martın 16-sı axşamdan 17-si səhərə qədər Rusiya ərazisinə onlarla pilotsuz uçan aparat atıb. Vətəninfo.az xəbər verir ki , Rusiya Müdafiə Nazirliyi 72 pilotsuz uçan aparatın tutularaq məhv edildiyini bildirib.
Dronlar Həştərxan, Kalmıkiya, Bryansk, Volqoqrad, Rostov vilayətləri və Krasnodar diyarı üzərindən buraxılıb.
Bundan əlavə, Belqorod qubernatorunun sözlərinə görə, Ukrayna qüvvələri son sutka ərzində 57 pilotsuz uçuş aparatı və 33 hərbi sursatdan istifadə etməklə Belqorod vilayətinin 7 rayonuna zərbələr endirib. Yük maşınının toqquşması nəticəsində bir nəfər xəsarət alıb.
Həştərxan qubernatoru İqor Babuşkin martın 17-də səhər Telegram-da bildirib ki, bölgədə yerləşən obyektlərə, o cümlədən yanacaq-energetika kompleksinə “kütləvi dron hücumu” həyata keçirilib, rəsminin sözlərinə görə, pilotsuz uçan aparatların dağıntıları nəticəsində yanğın baş verib, bir nəfər xəsarət alıb.
Ukraynanın Sumı vilayətində isə yerli hakimiyyət orqanlarının verdiyi məlumata görə, martın 16-da Rusiyanın endirdiyi zərbələr nəticəsində bir nəfər ölüb, iki nəfər yaralanıb.
“Ruslar gün ərzində sərhədyanı ərazilərə və Sumı vilayətinin yaşayış məntəqələrinə 114 atəş əməliyyatı həyata keçirib”. “157 partlayış qeydə alınıb”, – məlumatda deyilir.
Kiyev rəsmiləri həmçinin bildiriblər ki, hava hücumundan müdafiə sistemləri Rusiya pilotsuz təyyarələrinin gecə saatlarında Kiyev bölgəsinə növbəti hücumunu dəf edib. Kiyev vilayətində, eləcə də Çerniqov, Sumı, Çerkassı, Poltava, Kirovoqrad, Xarkov, Dnepropetrovsk və Zaporojye vilayətlərində aviasiya sirenaları səslənib.
